მცირე მეწარმე „ბარბალე“

ორგანიზაციის ტიპი:

საცალო, საბითუმო გაყიდვა.

ინიციატორი/დამფუძნებელი:

ქეთი დიდმანიძე და გაგა მუმლაძე

საკონტაქტო პირი:

ქეთი დიდმანიძე - დამფუძნებელი, მიკრომეწარმე - გაგა მუმლაძე

დაფინანსების ძირითადი წყარო:

არასამთავრებო ორგანიზაციის და საკუთარი დაფინანსება.

მოკლე აღწერა:

"ბარბალე" ორგანული სოფლის მეურნეობის წარმოების ბრენდია საქართველოში, რომელიც 2015 წლის 5 ოქტომბერს დაარსდა. „ბარბალეს“ არ გააჩნია ბიო სერთიფიკატი, თუმცა სრულად იყენებს ორგანული სოფლის მეურნეობის მეთოდებს.

„ბაბალეს“ აქვს უნიკალური დევიზი, რომელიც დასაწყისიდანვე იქცა მომხმარებლისთვის კომპანიის მთავარ მესიჯად და ეს დევიზია: „ჩვენ ვაწარმოებთ ჯანმრთელობას" „We Produce Health"

„ბარბალეს“ სამ ძირითად ფასეულობას სოფლის მეურნეობის პროდუქტების ორგანულად მოყვანა, აგროტურიზმის განვითარება და ადგილობრივ მოსახლეობაში ორგანული სოფლის მეურნეობის შესახებ ცნობიერების ამაღლება წარმოადგენს;

„ბარბალე“ აწარმოებს ბოსტნეულ და ბაღჩეულ კულტურებს, ახორციელებს ძველი ქართული კულტურების - ცერცვის, ძაძას, ღომის და ცულისპირას აღდგენას; აწარმოებს ოცამდე სახის მურაბას, ჯემს, მწნილებსა და სამკურნალო მცენარეებს, ჩაის. „ბარბალეს“ სოფლის მეურნეობის ერთ-ერთ მნიშვნელოვან ნაწილს მეფუტკრეობა წარმოადგენს. 2019 წელს "ბარბალეს" მეურნეობაში, დაიწყო ფუტკრის თერაპია (აპი-თერაპია).

დღესდღეისობით „ბარბალეს“ აქვს საკუთარი წარმოება და ასწავლის მეზობელ ფერმერებს სოფლის მეურნეობის პროდუქტების ორგანული მეთოდებით მოვლა-მოყვანას და შემდეგ ეხმარება რეალიზაციაში.

იურიდიული მისამართი -

საქართველო, სამცხე-ჯავახეთი, 0802, სოფელი აწყური.

ბიზნესის მოკლე აღწერა:

·       ოპერირებს საქართველოს მაშტაბით, ძირითადად თბილისში და ქუთაისში.

·       ნედლეულს იღებს საკუთარი წარმოებიდან და მეზობელი ფერმერებისგან.

·       ძირითადად ყიდის საცალოდ მომხმარებელზე,  ასევე რამდენიმე რესტორანში.

·       ლოჯისტიკურად ადვილი მისადგომი - აწყურში, მთავარი გზიდან 1 კილომეტრი. თბილისში საზოგადოებრივი ტრანსპორტით თავისუფლად შეიძლება მისვლა.

ბიზნესის მიერ გაწეული მომსახურება:

·       ადგილობრივი ფერმერების პროდუქტის რეალიზაცია.

·       აქვს თბილისში, ქუთაისში და ბათუმში ონლაინ მიწოდების კარგად გამართული სერვისი.

მუშაობის პერიოდი:

მუდმივად მუშაობს, მთელი წლის განმავლობაში.

რა პროდუქციას ყიდის: ნედლი და გამომშრალი ხილი, ბოსტნეული, თაფლი, თხილეული, მარცვლეული, რძის პროდუქტები (ჩეჩილი ყველი), გადამუშავებული პროდუქტები (მურაბები - ვარდის, წიწაკის , ტყემალი, საწებელი), ჩაი (კუნელი, ასკილი, კოწახური, შინდი) და სხვა.

ხელმისაწვდომობა

·       პროდუქციის შესყიდვა ორგანიზაციის მიერ: ნედლეულს იღებს ადგილობრივი ფერმერებისგან, ძირითადად მეზობლებისა და მეგობრებისგან. ეკოლოგიურად სუფთა პროდუქტის წარმოებისთვის იყენებს ორგანული სოფლის მეურნეობის მიდგომებს და ადგილობრივ ფერმერებს ტექნიკურად ეხმარება ნედლეულის მოყვანაში.  

·       შესყიდვა/ყიდვა - ძირითადად საცალო მომხმარებელი, რესტორანი, მაღაზია და ნებისმიერი დაინტერესებული პირი.